|
NAASWENNER:
LAPA JEUGROMANKOMPETISIE 2019
Bethel se berg
Dis die onstuimige tagtigerjare.
Bethel Hendrix, haar broers en hulle ma reis deur die land in ʼn Kombi.
Hulle leef ʼn nomadiese bestaan en bly net vir ʼn kort ruk in een dorp
voor hulle na ʼn volgende beweeg. Om die gesin aan die lewe te hou,
verkoop Bethel se ma vetkoek.
Maar oral waar hulle kom, is dit duidelik dat die gesin anders is. Dat
hulle arm is. Dat hulle nie in ʼn regte huis bly nie.
|
|
|
|
Dat hulle ma anders lyk en dink. Dat
daar nie ʼn pa saam met hulle is nie.
Al wat Bethel graag wil hê is ʼn plek waar sy haarself kan wees …
Bethel se berg deur
Maretha Maartens is binnekort beskikbaar by jou naaste boekwinkel.
|
|
|
|
Sterre vir die
donker
Dit is aaklig om op amper sewentien so baie dinge nie te weet nie. Nie
te weet of jou ma dalk reg is en jy net ’n pil moet drink om die
donkerte te keer nie, nie te weet of jou broer se ambisie hom die kluts
gaan laat kwyt raak nie.
Om nie eers te praat oor die feit dat jy glád nie te weet wat jy met
die res van jou vreeslike gemiddelde lewe wil doen nie.
En die een persoon wat alles sou verstaan het, is vir altyd weg.
|
|
|
|
Skielik klink weghardloop na ’n goeie
plan … maar is dit?
Sterre vir die
donker deur Noreen Nolte is nou beskikbaar by jou naaste
boekwinkel.
|
|
|
|
Môre as ons
groot is
Dis matriekafskeid – die wonderlikste aand in elke tiener se lewe. Maar
wat gebeur wanneer dit verby is, wanneer selfs die after party end kry?
Vier jongmense staan op die grens van hulle grootmenslewe. Liza, Quin,
Noku en Wayne kom elkeen uit verskillende agtergronde en die toekoms
lyk ook vir elkeen van hulle anders.
|
|
|
|
In hierdie dramateks neem vier vriende
afskeid van hulle skool, hulle vriende, hulle kindwees ... en dalk
hulle drome.
Môre as ons groot
is deur Fanie Viljoen is
nou beskikbaar by jou naaste boekwinkel.
|
|
|
|
Tania Brink
Omnibus 1
Lees nou drie van Tania Brink se gewildste tienerliefdesverhale in een
lekkerleesliefdesomnibus!
My hart is vol
graffiti
Lara het die perfekte ou. Maar wanneer sy en haar beste vriendin,
Vanessa, ’n artikel vir ’n tienertydskrif moet skryf oor graffiti,
ontmoet hulle ’n regte graffitikunstenaar wat hulle aan ’n opwindende
nuwe wêreld bekend stel ...
|
|
|
|
My eerste soen
en ander dinge wat jou uit die bloute kan tref
Toe Reza op haar blog vertel van haar rampspoedige afspraak met ’n ou
van die seunskool, het dit onverwagte gevolge. Skielik kan sy uit
honderde ouens kies – en een van hulle sal die kans kry om haar op ’n
droom-date te vergesel.
Ouens is
nie pizzas nie
Anja en Zanelle werk vir die Desembervakansie in ’n pizzarestaurant by
die see, en dan ontmoet hulle twee aantreklike boeties … en dinge raak
warmer as ‘n Meksikaanse pizza met ekstra chilli-sous!
Tania Brink
omnibus 1 is binnekort beskikbaar by jou naaste boekwinkel.
|
|
|
|
Justin
Fortuin, seerower
Justin Fortuin kuier nog lekker saam met sy ma by tannie Mary in die
geheimsinnige Kasteel Boekanier. Dit is ’n reënerige dag wanneer hy en
sy vriend Liam ontdek dat die kasteel nie net twee geheime tonnels het
nie, maar drie. Waarheen lei die derde tonnel?
Die seuns besluit om die tonnel te verken en beleef ’n opwindende
avontuur vol raaisels en geheime.
|
|
|
|
Justin Fortuin, seerower deur Theresa
van Baalen is nou beskikbaar by jou naaste boekwinkel.
|
|
|
|
Uitvinders,
planmakers en ander slimkoppe van Suid-Afrika
In hierdie boek sal jy lees van allerlei uitvinders, planmakers en
slimkoppe van Suid-Afrika.
Hier is stories oor mense wat mediese deurbrake gemaak het. Stories oor
mense wat met diere en plante werk. Stories oor mense wat die geheime
van die hemelruim probeer ontrafel. Stories oor mense wat interessante
ontdekkings oor fossiele, die aarde, water en die klimaat maak.
|
|
|
|
Dit is voorwaar ’n trots
Suid-Afrikaanse boek wat elke leser sal inspireer en motiveer om vrae
te vra, te ontdek en te skep.
Uitvinders,
planmakers en ander slimkoppe van Suid-Afrika deur Engela
Duvenage is nou beskikbaar by jou naaste boekwinkel.
|
|
|
|
Storiekaros
Hierdie bundel stories is ʼn karos waarmee jy jou kind opnuut kan koester.
Daarmee saam kom die genadegawe om waarlik mekaar se harte te hoor.
’n Ideale boek vir jou kleinding wat hou van stories, rympies en
speletjies.
|
|
|
|
Storiekaros deur Wendy
Maartens is nou beskikbaar by jou naaste boekwinkel.
|
|
|
|
Kaptein
Pipskwiek
In die vernuwende strokiesboek Kaptein Pipskwiek moet die bleeksiel
Danie skielik ’n geweldige taak aanpak: om die aarde teen ’n gevaarlike
aanvaller te beskerm. Nou dra hy ’n kostuum en kan hy selfs vlieg – hy
is ’n gemaskerde superheld! Alles is egter nie net pret en avontuur
nie, want dit gaan sleg by die huis.
|
|
|
|
Danie se stiefpa en -broer gee hom
probleme en verder wil dit lyk of sy ma sieker raak elke keer as hy in
Kaptein Pipskwiek verander. Hoe kan hy dan die dorp red? Hy sal vinnig
die regte besluite moet neem ...
Kaptein Pipskwiek
deur François Bloemhof is hier beskikbaar.
|
|
|
|
No comments:
Post a Comment