Penguin e-boeke nou beskikbaar by LAPA!

 

Voetstoots deur Annelie Botes Voetstoots is ’n bontgejasde keur uit sestien jaar van Annelie se koerantrubrieke. Die temas is so wyd soos die Heer se genade.  Dis lag, huil, kwaadword, nostalgie, deernis, onbegrip en lewenswette saamgeryg in ’n kleurvolle lappieskombers. En Annelie is bedrewe met die rygnaald.   Koop e-boek hier     'n Enkele verhaal deur Deon Wiggett Deon Wiggett se reeks sensasionele podsendings het Suid-Afrika in November 2019 geruk. Daarin het hy die identiteit van die man wat hom as skoolkind verkrag het, onthul. Nou, in ’n Enkele verhaal, vertel Deon die volle storie van hoe hy seksueel aangerand is deur “Jimmy”, die eens briljante onderwyser en latere mediapersoonlikheid wat ’n ongure dubbele lewe gelei het.   Koop e-boek hier     Die heelal op my tong deur Anoeschka von Meck  Daar is ’n kluis in ’n winkeltrollie op die dak van Wille Willemien se 4×4. Want sy en haar sus is op pad. Richtersveld toe. Om tussen Eksteenfontein en Khuboes hul pa se kluis – en sy sneeujas – nou ná sy dood oor ’n afgrond te boender.   Van Kaapstad na San Francisco en selfs Sri Lanka, met ’n wavrag vol seks, drugs en rock & roll, tref Anoeschka von Meck se nuutste roman jou soos ’n reusegolf en spoel sy die verhoudings oop wat van ons denkende, spirituele wesens maak.   Koop e-boek hier     Karretjiemense deur Carol Campbell Vyftien jaar lank kruip Muis al weg. En noudat die Karoo so droog is, wil haar man Kapok hul donkiekarretjie in Leeu-Gamka se rigting draai – die één plek wat Muis nooit weer wil sien nie, want dit is hier waar die wrede Miskiet vir haar wag om haar terug te kry.  In Carol Campbell se senutergende roman word die onsigbare en nomadiese karretjiemense van die Groot-Karoo op spanningsvolle wyse op die voorgrond geplaas.   Koop e-boek hier     Patagonië deur Maya Fowler Wanneer Tertius de Klerk se nag van skande op die lappe kom, moet hy vlug: Weg van die drukkende universiteitsdorp waar hy geskiedenis aan verveelde studente doseer; weg van sy loopbaan wat bly taan; weg van sy vrou Alta wat hom gaan verbrysel as sy hom in die hande kry. Hy kies die hasepad Patagonië toe – nes sy oupagrootjie Basjan jare tevore.   Maar die geskiedenis herhaal homself: Tertius raak nie só maklik van sy vurige vrou ontslae nie. Alta sit haar lamsakkige man agterna, nes Salome – Tertius se oumagrootjie – met Basjan gemaak het. Met ’n skeut avontuur en empatie en so wyd soos die landskap van Patagonië ontvou Maya Fowler se roman in vier stemme in ’n hinterland waar Afrikaans tot vandag toe steeds gepraat word.   Koop e-boek hier

LAPA is ’n afdeling van Penguin Random House Suid-Afrika (Edms) Bpk.   Kopiereg © 2020 LAPA Uitgewers, Alle regte voorbehou. As een van ons gewaardeerde intekenare stuur ons graag hierdie LAPA nuusbrief aan jou. Our mailing address is: LAPA Uitgewers Bosmanstraat 380 Pretoria, Gauteng 0002 South Africa Add us to your address book Is daar enige inligting wat u wil verander? U kan u voorkeure hier opdateer of kies om nie langer die nuusbrief te ontvang nie.