Penguin e-boeke nou beskikbaar by LAPA!

 

Aankoms en vertrek deur Pat Stamatélos Bailey Kellerman het Suid-Afrika finaal verlaat toe Adam, haar jeugliefde, nie tot trou kon kom nie. In London hierna was daar ’n huwelik met ’n Fransman, maar ook hý het haar in die steek gelaat. Wanneer ’n tragedie in Johannesburg die lewens van Bailey se ouers eis, dring haar broer aan dat sy huis toe kom.      Maande ná die begrafnis is Bailey eindelik terug in Suid-Afrika op soek na antwoorde rakende haar ouers se dood – antwoorde moontlik opgesluit in haar pa se kluis waarvan die sleutel skoonveld is. In Aankoms en vertrek blaas bobaasstorieverteller Pat Stamatélos met haar gebruiklike humor en ligte aanslag asem in ’n handvol karakters wie se lewens deur omstandighede op die spits gedryf word.   Koop e-boek hier     Lugkasteel deur Annelie Botes In Sabbatsreis vertel Annelie Botes hoe sy in 2004 blindelings op ’n vliegtuig geklim het om in Engeland ’n ouma te gaan soek wat sy kon oppas. Om haar skuld te betaal. Vir ’n hellejaar vol hemelsheid word sy Granny se hoeder. Maar genoeg is selde genoeg. Kwalik ses maande nadat sy teruggekom het Baai toe, vlieg sy wéér Engeland toe. Dié keer as die goewernante van vier onhebbelike bloubloed-seuntjies.   En, soos Aspoestertjie, bevind sy haar in ’n grillerige ou kasteelhuis, en sy is net ’n kasteelbediende. Sy ly honger; sy verkluim. Sy moet haar karige leefruimte deel met die wandelende gees van ’n vrou wat lankal oorlede is, maar steeds snags in die kasteelgange rondloop. Tien jaar later sit sy by haar ou bruin lessenaar en rol die kamera terug na daardie tyd. Bekyk die glasskoentjies wat elke mens langs die pad verloor. Lugkastele wat tuimel. Alles net swaanveertjies in die winterwind. Tog, ondanks ons stukkende vlerke, leer ons vlieg. Hoër en verder as wat ons ooit kon droom.   Koop e-boek hier     Bloedsuier deur Leon van Nierop Toe Maryke, ’n jong hipnoterapeut, ’n kwak wat gehore kamma hipnotiseer probeer ontmasker, skud iets in haar onderbewuste los. Het dit te doen met die inbraak tydens haar matriekjaar? Wat is dit wat sy vergeet het? Lukas probeer haar help. Hy is haar steunpilaar en mentor, en die man op wie sy verlief is. Ook hý moet veg om ’n greep op sy verlede te kry.   Maar die bedreiging is nie net in Maryke se kop nie: Vreemde briewe en onheilspellende geskenke maak dit duidelik dat iemand haar dophou. Iemand wat enigiets sal doen – miskien selfs sal moor – om seker te maak sy onthou.   Koop e-boek hier     Kainsmerk deur Annelie Botes Annelie Botes het haarself oor en oor bewys as een van die voorste storievertellers in Afrikaans. Die korpus boeke wat uit haar pen verskyn het, staan onweerlegbaar as getuienis van ’n uitsonderlike talent. Deur die jare is ’n magdom tydskrifverhale, ’n genre wat dikwels verkeerdelik onderskat word, in tydskrifte soos Vrouekeur, Rooi Rose en Huisgenoot opgeneem.   Kainsmerk bevat ’n keur van dié verhale wat deur die skrywer self uitgesoek is. Botes se karakters dra dikwels ’n teken van vervloeking wat hulle broos laat, en wat hulle vir die wêreld wil verberg.  As spesiale bonus is die immergewilde Duiwelsbrood, wat geruime tyd reeds uit druk is, ook in Kainsmerk opgeneem. Annelie Botes se aanhangers sal saamstem: Hierdie is vertelkuns op sy beste.   Koop e-boek hier     Jagter deur Bettina Wyngaard Klippe, messe en pyle uit ’n kruisboog: Die vreemste – en wreedste –misdaadtoneel in Kaptein Nicci de Wee se loopbaan Dan moet sy en haar nuwe taakspan boonop bontstaan om saam met die nimlike Blackie Swart ’n internasionale insident te voorkom. Ook op haar lessenaar: die dood van twee jong meisies. En die angswekkende vermoede dat al hierdie sake met mekaar verband hou.   Met soveel kinkels in die kabel soos dooies in die staatslykhuis, moet Nicci-hulle alles tot hul beskikking inspan om ’n nuwe hel af te weer: van ’n rekenaarfundi, tot stiletto’s en selfs ’n paar petrolbomme. Gou kom Nicci agter die monsters wat haar lewe en dié van haar kollegas bedreig, is gevaarliker as Ramoth, vlymskerp polisiefotograaf Stella Jansen se mak Komododraak. In Jagter, haar derde Nicci de Wee-riller, draai Bettina Wyngaard al die krane oop.   Koop e-boek hier

LAPA is ’n afdeling van Penguin Random House Suid-Afrika (Edms) Bpk.   Kopiereg © 2020 LAPA Uitgewers, Alle regte voorbehou. As een van ons gewaardeerde intekenare stuur ons graag hierdie LAPA nuusbrief aan jou. Our mailing address is: LAPA Uitgewers Bosmanstraat 380 Pretoria, Gauteng 0002 South Africa Add us to your address book Is daar enige inligting wat u wil verander? U kan u voorkeure hier opdateer of kies om nie langer die nuusbrief te ontvang nie.