Ons vier Irma Joubert 📚

 

Irma Joubert is só deel van die Afrikaanse boekewêreld, dis moeilik om te glo sy het eers met haar aftrede in 2004 begin skryf, ná 35 jaar van onderwys. Haar boeke word in onder meer Nederlands, Duits en Engels vertaal. Haar deeglike navorsing en empatie met die karakters beteken haar boeke is topverkopers, waar dit ook al uitgegee word. Irma vertel graag dat Verbode Drif, een van haar eerste boeke, ook die naaste aan haar hart lê. Om hierdie rede is besluit om die boek, met ’n klein bietjie skaafwerk, in 2022 wéér uit te gee, nadat dit vir baie jare uit druk was.   Koop hier VERBODE DRIF Terwyl hulle jonk is, dink hulle nie aan die toekoms nie, leef hulle vir die nou, glo hulle die verskille kan oorkom word. En Izak Katz, weet Elizabeth, maak altyd ’n plan. Altyd. Hy, met sy lag, sy terg, die sagtheid in sy oë. Die paadjie wat aan hulle toebedeel is, is ongelyk. Soos die middelmannetjie in die drif. Hulle weet van mekaar vermy, van voorgee sodat niemand iets vermoed nie. Van wag. En van liefhê … Totdat Elizabeth gedwing word om ’n doodsbelofte te maak. En sy weet, sy wéét, hierdie keer is dit verby, nie eers Izak sal nou meer raad hê nie. Koop hier VEILIGE HAWE Veilige hawe is ’n heruitgawe van twee van Irma Joubert se gewildste romanses: Vonkpos vir die hart: Hy noem haar ‘meisiekind’ – soms. Maar die muur om hom kry Liezl nie afgebreek nie. Na wie luister sy – haar hart, of haar verstand? ’n Beskermengel vir Marlene:  Haar pa het haar geleer: pasop vir mans en pasop veral dat jy nie goedkoop raak nie. Op drie en twintig is Marlene skielik ’n weduwee. Sy’s bang en vertrou niemand. Tot Adolf opdaag.   Koop hier VER WINK DIE SUIDERKRUIS Hul wêrelde is onversoenbaar. En dis ononderhandelbaar. Albei weet dit. Maar hy skulp haar toe met sy krag, sy warmte. Hy wil die Suiderkruis vir haar pluk. En dit, weet Kate, sal makliker wees as om hul liefde te laat blom. Ver wink die Suiderkruis is die eerste boek in Irma Joubert se Tussen stasies-trilogie. Koop hier TUSSEN STASIES Hy moes ’n besluit neem, vir haar beswil. ’n Besluit wat aan Jakób Kowalski bly vreet. Ná die treinrit van Pole af bly Gretl Schmidt op die stukkende trappe van ’n stukkende kerk in Duitsland agter – klein, uitgeteer, met net die dokumente dat sy suiwer Aries is, haar pa ’n gevalle SS-soldaat. En haar groot geheim. Tussen stasies is die tweede boek in Irma Joubert se Tussen stasies-trilogie. Koop hier TOLBOS In Suid-Afrika se onstuimige tagtigs raak Katrien Neethling bewus van ’n ander wêreld wat nog altyd daar was, maar wat sy nie geken het nie. Kan mens net ophou om ’n Afrikaner te wees? Soos ’n tolbos in die wind bly sy dwarrel tussen politieke woelinge en haar geliefdes wat behoudende boeremense is. Tolbos is die derde en laaste boek in Irma Joubert se Tussen stasies-trilogie.   Koop hier IMMER WES ’n Dogtertjie uit die Oos-Pruisiese adel, ’n liefdelose ma, ’n pa wat omgee – wel, meestal. Só begin Hildegard se verhaal. In 1914, toe die donker wolke wat oor Europa saamgetrek het, uiteindelik in die Groot Oorlog uitbreek, leer Hildegard vir die eerste keer hoe lelik die lewe daar buite is, hoe afskuwelik oorlog, en wat ’n misleidende woord "oorlogshelde" is. Immer wes is die eerste boek in Irma Joubert se Oorlogstrilogie. Koop hier MENTJE, KIND VAN PAS-OPKAMP Tydens die Tweede Wêreldoorlog beland Mentje, ’n negejarige Nederlandse meisie, saam met Jode in ’n geheime kamp. Ná die oorlog bevind Mentje haar in Suid-Afrika en midde-in drie geslagte van die verskeurde Van Jaarsvelds. Verlies en versoening, vergifnis en mensliewendheid dra Mentje en Tinus deur moeilike tye. Mentje, Kind van Pas-Opkamp is die tweede boek in Irma Joubert se Oorlogstrilogie. Koop hier NA ’N PLAAS IN AFRIKA In 1939 breek oorlog uit in Europa. Drie miljoen kinders word uit Londen ontruim. Die sesjarige Charles Smith is een van hulle. In die ooste van Europa ruk die Duitse Sesde Leër teen die Sowjetunie op. Onder die manskappe is die vurige majoor Oswald von Stein. Charles en Oswald beleef teenoorgestelde kante van die oorlog. Beide bevind hulself egter op pad na ’n plaas in Afrika. Na ’n plaas in Afrika is die derde en laaste boek in Irma Joubert se Oorlogstrilogie.     Volg ons op sosiale media

 

Teken uit • Hersien profiel • Lees in PDF • Onderbreek e-pos tydelik • Lees aanlyn   Hierdie e-pos is gestuur aan bekkieburger777@gmail.com op 20-07-2022 deur Penguin Random House SA, Penguin Random House SA, Unit 12A (ii), Growthpoint Business Park, 162 Tonetti Street, Halfway House, Gauteng, 1685. Hierdie e-pos is slegs bedoel vir inteken-kommunikasie. As u voel dat hierdie e-pos ongevraagd is stel ons in kennis. E-pos voorsien deur