|
|
Bloedsteen
Dinge ontrafel vinnig wanneer iemand speuradjudant Storm van der Merwe
se ma voor ’n trein op Paddington-stasie instamp. Storm moet Londen
toe, al is sy tot oor haar ore met ’n moordsaak.
Van Londen se donker strate tot Antwerpen se diamantebeurs, van Port
Nolloth se verlate kuslyn tot Storm se geliefde Hermanus, ontvou die
storie in Irna van Zyl se derde misdaadroman teen die pas van ’n
sneltrein.
|
|
|
|
Bloedsteen deur Irna van
Zyl is beskikbaar by LAPA.
|
|
|
|
Grensgeval
Die brief wat Theresa tussen haar eksman Theo se besittings ná sy dood
ontdek, skeur haar lewe oop. Jare lank het sy haar rug op Theo gedraai,
’n man wat sy laaste twee dekades in ’n inrigting moes deurbring. Só
ook het sy die land se verlede weggestoot, die tyd toe tienerseuns
gestuur is om aan die grens te veg – ’n plek en ’n oorlog waarvan mense
tuis bitter min geweet het.
|
|
|
|
In swoel, afgeleefde Kuba, tussen
kleurryke motors uit die vyftigerjare en geurige sigaarrook, word
Theresa se soektog intiem vervleg met die lewens van mense wat in
Angola as “die vyand” gebrandmerk is. Só ontrafel sy wat dit beteken
het om groot te word in die Suid-Afrika van daardie tyd.
Grensgeval
deur Marita van der Vyver is beskikbaar by LAPA.
|
|
|
|
Diep spoor
In die stormagtige jare voor en tydens die groot trek raak drie vroue
se lewe vervleg in ’n stryd om voortbestaan. Lojaliteit word getoets en
inbors word beproef. Katrien is ’n sensitiewe waterverfskilder. Sy en
haar man, Stefaans, wou vir hulle ’n lewe op ’n plaas op die Oosgrens
maak.
Maar toe teëspoed hulle tref, word hulle deel van Hendrik Potgieter se
trek na die binneland. Dina, ’n slavin, is Katrien se grootste
vertroueling.
|
|
|
|
Sy trek saam, haar liefde vir Stefaans
’n geheim wat sy ten alle koste moet bewaak. Thabisa is deur haar man
verwerp. Ook sý is deel van Katrien se kring. In die loop van die
geskiedenis laat hierdie drie vroue diep spore.
Diep spoor
deur Jeanette Stals is beskikbaar by LAPA.
|
|
|
|
Waar onthou
begin
Toe Elfrieda ná ʼn lang koma uiteindelik haar oë oopmaak, is haar kop
leeg. Angs pak haar toe sy in ’n Durbanse hospitaal besef sy kan níks
van haar verlede onthou ná sy voor ’n motor ingehardloop het nie. ’n
Terloopse opmerking deur Michael, die neuropsigiater wat na haar
omsien, bring ’n flits herinnering: Voor haar sien sy ’n vaalgroen
boekie oor die lewe van die ontdekkingsreisiger David Livingstone se
vrou, Mary.
|
|
|
|
Met behulp van Michael begin Elfrieda
stadig die legkaartstukkies van haar geheue aanmekaar sit. Maar die
onthou bring seer.
Waar onthou begin
deur Connie Luyt is beskikbaar by LAPA.
|
|
|
|
Hoop, heling
& harmonie
Siekte is ’n natuurlike verskynsel sonder betekenis – potensieel
ernstig, ja, maar bloot deel van menswees. Teen hierdie agtergrond
ondersoek Hoop,
heling & harmonie hoe siekte en behandeling ons
liggame, gees en menswees aantas.
Die doel van geneeskunde is om ons lewens positief te beïnvloed – in
die woorde van Hippokrates, om soms te genees, dikwels te behandel,
altyd te troos.
|
|
|
|
Die positiewe is nie noodwendig
onvoorwaardelik nie: ons kan té wetenskaplik wees, die persoon agter
die siekte miskyk.
Hoop, heling &
harmonie deur Malcolm de Roubaix is beskikbaar by LAPA.
|
|
|
|
No comments:
Post a Comment