Penguin e-boeke nou beskikbaar by LAPA!

 

Die Banting-oplossing DIE BANTING-BOEK WAAROP ALMAL GEWAG HET! Uiteindelik! ’n Allesomvattende boek wat al jou vrae oor die Banting-leefstyl beantwoord EN ’n oplossing bied vir permanente gewigsverlies.  Die boek leer ons hoe om ontslae te raak van daardie ekstra kilogramme en hoe om hulle vir ewig weg te hou! Resultate van in-diepte navorsing word ondersteun deur gevallestudies en voor-en-na foto’s.   Lesers het nou toegang tot alle inligting oor Banting in een boek. Die Banting-Oplossing deur Bernadine Douglas & Bridgette Allan is nou beskikbaar by LAPA.   Koop e-boek hier     Boereverneukers Hulle lieg, bedrieg, gee voor. Hulle verdraai, verdoesel, verduister, verwoes. Geleidelik palm hulle jou vertroue in. Dan, eensklaps, is jy jou geld, status en reputasie kwyt. Só oortuigend doen hulle dit dat selfs die slimste, mees ingeligte mense ’n rat voor die oë gedraai word en eers besef wat hulle getref het nadat grootskaalse skade aangerig is en die gladdebek soos mis voor die son verdwyn het. Maar selfs swendelaars kom hulle moses teë...   Boereverneukers deur Izak du Plessis vertel die stories van Afrikaanses wat van ons land se grootste skelmstreke gepleeg het. Nou beskikbaar by LAPA.   Koop e-boek hier     Hoe verklaar jy dit? Ons weet dat die maan iets met die getye te doen het, maar het jy geweet dat jy met volmaan altyd dieselfde kant van die maan sien? Of dat weerligstrale vol vernietigende elektrisiteit is, maar dat ’n elektriese paling ’n lading van tot 600 volt kan vrystel?   Hierdie feite is deel van ’n magdom kennis oor die natuur, fisiese wetenskap en die ruimte wat die RSG-program Hoe verklaar jy dit? reeds jare lank beantwoord. Hierdie publikasie bevat ’n keur uit die honderde vrae van nuuskierige luisteraars wat deur kundiges verduidelik is om die wêreld minder vreemd te maak, want nie alle kennis van die wêreld om ons is voor die hand liggend nie.  Hoe verklaar jy dit? saamgestel deur Danny Fourie is nou beskikbaar by LAPA.   Koop e-boek hier     Die tale wat ons praat Vir jare al, Sondae net ná elf, word al dié vrae en nog baie meer in die RSG-program Die tale wat ons praat beantwoord. Ook word aktuele sake en interessanthede oor Afrikaans bespreek. Van die deelnemers aan die program is taalkundiges, leksikograwe en huidige en oudlede van die SA Akademie se Taalkommissie.   In hierdie boek bring Jana Luther en Fred Pheiffer, saam met Danny Fourie as samesteller, van die gewildste bydraes deur dié luisteraars en taalkenners byeen. Vir elkeen wat getrou by die radio luister – en almal wat lief is vir Afrikaans! Nou beskikbaar by LAPA.   Koop e-boek hier     Die lang man sonder skaduwee “Die lang man sonder skaduwee,” so het die oumense gepraat as hulle die grondpaaie beskryf het wat oor die rug van vlaktes loop soos linte wat plase en veeposte en dorpe aan mekaar bind. Dit was ’n raaisel wat hulle vir mekaar gevra het om ’n stram geselskap aan die gang te kry.   In Die lang man sonder skaduwee sit Antoinette Pienaar haar roeping as geneser voort. Vol begrip en deernis word Karookruie ingespan om allerlei kwale te genees. Maar nou ondersoek sy ook die genesende krag wat in die ou stories, raaisels en rympies van die Griekwa-mense skuil, want dikwels het ’n fisieke probleem ’n emosionele oorsprong en is dit stories wat die hart kan genees. Die langman sonder skaduwee is volksbesit: waardevolle inheemse kennis liefdevol opgeteken vir lees en herlees. Nou beskikbaar by LAPA.   Koop e-boek hier

LAPA is ’n afdeling van Penguin Random House Suid-Afrika (Edms) Bpk.   Kopiereg © 2020 LAPA Uitgewers, Alle regte voorbehou. As een van ons gewaardeerde intekenare stuur ons graag hierdie LAPA nuusbrief aan jou. Our mailing address is: LAPA Uitgewers Bosmanstraat 380 Pretoria, Gauteng 0002 South Africa Add us to your address book Is daar enige inligting wat u wil verander? U kan u voorkeure hier opdateer of kies om nie langer die nuusbrief te ontvang nie.