“Rust
se woorde wip en byt soos ’n chilli
popper. Sy is dodelik wanneer sy haar blik rig op die
teelaarde van boosheid en brutaliteit.” – Jonathan Amid, Beeld
Madelein Rust se agtergrond in regte en later ook sielkunde, pas perfek
in haar arsenaal wanneer dit by spanningsromans kom. Haar insig in die
menslike psige en begrip vir die strafregstelsel gee haar boeke diepte
en geloofwaardigheid.
In haar eie lewe word Madelein met kanker gediagnoseer en sy vertel van
dié reis in die boek Kanker
schmanker! – dalk met ’n lag en ’n traan, maar beslis
sonder om jammer te wees vir haarself óf haar lewenslus prys te gee
nie. Haar debuut, Die
13de Kaart, was ’n finalis in die ATKV-Woordveertjieprys
vir Spanningslektuur in 2014 en haar daaropvolgende titels was almal
topverkopers.
|
|
|
25 TRAPPE
NA BENEDE
Wanneer Renée Verster-Roux haar swart gewaad, donker grimering en
skarlaken
lipstif aansit, klim sy trap vir trap af na die wêreld van haar
alterego. As Lisbé is sy nie meer die swartskaapdogter van die ryk
Versters nie, maar ʼn bedrewe knoeier wat haar voordoen as ʼn waarsêer om
haar trust fonds aan te vul.
Vir haar is Janine Oosterhuis, ʼn doktersvrou wat oortuig is haar man wil
haar vermoor, presies die tipe kliënt wat sy soek: skatryk en
paranoïes. Maar die dag toe dié vrou met die groot diamante en bang oë
haar huis binnestap, het alles verander.
|
|
|
MY NAAM IS
LEGIO
Malan & Coetsee Privaat Ondersoeke se hulp word ingeroep om die
moordenaar te vind van ’n afskuwelik geskende lyk.
Dit neem doktor Renata Malan, ’n forensiese sielkundige, en haar
vennoot en vertroueling, Stefan Coetsee, nie lank om vas te stel ’n
reeksmoordenaar het toegeslaan nie. Vir hierdie moordenaar gaan dit
egter meer oor die voorafgaande marteling as die slagoffers se dood.
Dat hulle sterf, is trouens ’n “ongeluk” en die afgryslike
martelmetodes stem ooreen met Middeleeuse tegnieke om demone uit te
dryf. Renata worstel ook steeds met die private demone wat haar
lewenslank agtervolg ...
|
|
|
DOODSENGEL
Magdalena Bakkes moor
vir die derde keer in haar lewe en kies om te vlug, gedring deur die
moeras van molestering en geweld wat haar kinderjare gekenmerk het.
Niemand behalwe die onbekende vrou wat haar help wegkom, weet van die
verkragting nie. En niemand sal weet dat Magdalena haar aanvaller se
lewe geneem het nie. Sy sal nooit weer in ’n sel sit nie, al kos dit
wát. Is dit ’n vergeldingsdrang wat Magdalena Bakkes laat moor, of die
psigologiese nagevolge van haar kinderjare? Hoeveel moorde sal sy nog
moet pleeg om die beskadigde kinders by die kinderhuis te beskerm?
|
|
|
KANKER
SCHMANKER!
In hierdie aangrypende boek deel Madelein Rust die intiemste
besonderhede van haar reis met borskanker. Dit is ’n brutaal eerlike
vertelling wat haar belewenis van die siekte met patos en humor
uitbeeld.
Kanker schmanker!
rus borskankerstryders toe met inligting wat nie altyd geredelik
beskikbaar is nie en help hul geliefdes om die reis met kanker beter te
verstaan. Dit is ʼn boek van hoop en triomf wat die leser hardop laat
huil en laat lag. Dis ’n verhaal vir elkeen van ons wat ʼn stryd van
enige aard stry.
|
|
|
Volg ons op sosiale
media
|
|
|
|
|
No comments:
Post a Comment