GERUGTE VAN 'N ONTVOERING!

 

	No images? Click here
BOEK VAN DIE MAAND Wanneer Harry asemskep tussen sy omswerwinge deur Afrika, kom kuier hy by sy geliefde ma in Johannesburg. Gusta is veral na aan sy hart ná sy pa haar vir 'n jonger pop gelos het. Gelukkig weet Harry sy is veilig daar bo in haar luukse penthouse in Ponte Towers. Teen die tyd dat Harry in Oos-Afrika opgespoor word, is sy ma al dae lank dood. Harry kry die reuk van 'n groot gekonkel. Nie eens daai parmantige Ella Neser gaan hom keer nie.  Nog 'n hoogtepunt in Chris Karsten se Ella Neser-oeuvre. WAS R310 - NOU R248       Die wenners van die jaarlikse  ATKV-WOORDVEERTJIES is onlangs aangewys. Hartlike gelukwense aan al ons skrywers! 20% afslag op al die wenboeke. PROSAPRYS Aan die Kaapse Weskus versorg Rebecca Maas haar sterwende pa in 'n tegnologies gevorderde slimhuis, 'n huis wat praat in 'n halfbekende stem. Op die horison, 'n olietenkskip. 'n Posthuman biohacker trou met die enorme skip, en maak kuns oor die wittebroodsreis. En in die yswildernis van Svalbard verdwyn 'n navorser se kollega en minnaar spoorloos. Hulle is daar om geheimsinnige spierwit items te ondersoek - dalk beendere, maar dan beendere wat vertak en ineensmelt soos geen bekende skepsel s'n nie.    PRYS VIR SPANNINGSLEKTUUR Ella Neser is terug van haar Karibiese skeepsvaart, en soort van terug in Lou se arms. Haar nuwe opdrag, nou as private speurder, is 'n bisarre een. Donna Maas, huisvrou en eggenoot van die sielkundige Thomas Maas, is oortuig haar man het 'n skelmpie. En dit is Ella se taak om met die bewyse vorendag te kom. Die roman begin egter by die einde van die verhaal, waar Ella haar finale verslag optik. Daar is 'n moord gepleeg, maar ons weet nie wie die slagoffer is nie, en nog minder, wie die skurk.   PRYS VIR LIEFDESROMAN Kan hierdie liefde se prys betaal word? Hulle is pole uit mekaar: Hy is ʼn eenvoudige Afrikanerboer uit die Vrystaat; sy is die gesofistikeerde dogter van ʼn skatryk Engelse sakeman. Hulle moes nooit eers ontmoet het nie, maar op 17 Junie 1944 loop sy in sy arms in, en wanneer haar wêreld om haar in duie stort, bied hy vir haar ʼn uitweg - ʼn jaar op Kanaän as sy vrou. Dit behoort haar die geleentheid te gee om die stukke op te tel, besluit Catherine, maar kort voor lank besef sy dat sy aan Chrisjan meer het as al haar gesofistikeerde Johannesburgse vriende. Al wat sy nie weet nie, is of sy die verskriklike prys wat hierdie liefde van haar vereis, sal kan betaal.   PRYS VIR NIEFIKSIE Sulke vriende is skaars. Die briewe van Anton Hartman en Arnold van Wyk bevat die geannoteerde briefkorrespondensie tussen twee seminale figure in die Suid-Afrikaanse Westerse kunsmusiek. Dit is die eerste keer dat briefwisseling binne die Suid-Afrikaanse musiekgeskiedenisskrywing gepubliseer word en is 'n publikasie wat 'n noemenswaardige bydra tot die dissipline van Suid-Afrikaanse musiekhistoriografie, asook tot Afrikaner- en apartheidshistoriografie, sal maak. Dit toon die belangrikheid aan van verdere navorsing oor die geïnstitusionaliseerde posisie van wit kunsmusiek in Suid-Afrika. Benewens die briewe, word belangrike foto's, afskrifte van faksimilees, telegramme en ander vorme van korrespondensie geplaas en groot klem geplaas op die visuele voorkoms van die boek.   PRYS VIR POËSIE Die meeste sterre is lankal dood is die bekroonde digter Johann de Lange se dertiende bundel. Dit bestaan uit ses verskillende afdelings, deurgaans gewy aan vlietende oomblikke vasgevang in 'n vers ("om met woorde die onsegbare te sê"). Die bundel het 'n elegiese toonaard, en word oorheers deur 'n bewustheid van verlies & verganklikheid, van "inskaduwings van die lig". Verse oor die skryfproses figureer as teenvoeter vir die verbygaande aard van mens wees. Dit is verse vir "my mooi dooies". In "Oggendmusiek" beskryf die digter 'n vroegoggendkoor van voëls voor sonsopkoms, elders 'n koorddanser, voetjie vir voetjie oor die spantou. Soos in sy vorige werk is die erotiese verse 'n hoogtepunt in die bundel, bv in "Ode aan die mielie": "Nét so, nog aan die oggend -- tussen die syige bene van die dag -- staan hy, volryp, pittig & reg." Bloed & sneeu Bloed op sneeu is ’n pasgebore rooi, van iets gewond, ’n struikelende spoor.  En die sneeu? Is daar énigiets so mooi,  so prilwit gespits, as ’n haseoor?   PRYS VIR ROMANSES Kan hulle mekaar vertrou ten spyte van alles wat gebeur het? Eldri Immelman se skatryk ouers word deur joernalis Dewald ontmasker as bedrieërs wat jare lank hulle beleggers se geld steel. Hulle vlug en Eldri moet vir hulle keuses boet. Teen Dewald se sin gaan Eldri saam na sy wildsplaas om sy ma te versorg en besef hy dat sy baie meer kompleks is as wat hy aanvanklik gedink het. Hy besef ook dat hy halsoorkop verlief op dié wispelturige rooikop is, maar hierdie ding met haar ouers bly tussen hulle. Daar is net een oplossing: Hulle sal moet leer om mekaar te vertrou vir 'n kans op vir altyd. In Liefste rooikop word witboordjiemisdaad en geskende vertroue tussen geliefdes ondersoek.   PRYSE VIR KINDERBOEKE VOORLEESKATEGORIE SKRYWER - JACO JACOBS GRAAD RR - 1 Mamma stuur vir Mila en Pappa winkel toe om melk te gaan koop. Wat gewoonlik 'n vervelige en voorspelbare uitstappie is, word 'n onvergeetlike avontuur. Hulle ry op 'n eenhoring, vlieg in 'n ruimtetuig, koop kos vir Mila se troeteldraak koop en kom soos wafferse superhelde tot die redding toe 'n reuse-toring blikkieskos amper omval. Daar is net een probleem - hulle het sowaar die melk vergeet!     VOORLEESKATEGORIE ILLUSTREERDER - LINKI BRAND GRAAD RR - 1 ʼn Stadshoender wat geraas maak! Nina kry ʼn spesiale geskenk vir haar verjaarsdag - ʼn hoender! Nina en Magriet is dadelik beste maats. Magriet gaan selfs elke dag ʼn eier lê. Maar iewers is daar ʼn eierdief ... In Magriet die stadshoender ontmoet lesers vir Nina en Magriet. Hierdie twee gaan saam op hope avonture. In Magriet hou konsert voer Nina en Magriet ʼn konsert op, maar Magriet se kekkel is weg ... Die Magriet-reeks is gebaseer op die ware avonture van die skrywer se dogter, Nin, en haar hoenders, Matilda en Siena.   SELFLEESKATEGORIE SKRYWER - ANDRE TRANTRAAL GRAAD 2 - 3 Keegan, Samier en Samia gaan speel sokker in die parkie. Daar kry hulle vir Ghielie en sy nefies en saam speel hulle 'n heerlike spel. Samia is 'n uitstekende sokkerspeler! Maar dan kom Brent Petersen daar aan - en hy wil glad nie saam met 'n meisie sokker speel nie! Sal hulle nog steeds almal kan sokker speel of gaan Brent die hele dag bederf?   SELFLEESKATEGORIE ILLUSTREERDER - TUMI K. STEYN GRAAD 2 - 3 Minki het twee beste maats - Natalie en Lara. Natalie is mal oor ponies en gaan aan 'n perdrykompetisie deelneem waar die ruiters en hul ponies soos sprokieskarakters moet aantrek. Lara neem danslesse en eendag as sy groot is, wil sy 'n ballerina of 'n hiphop-danser word. Wanneer sy hoor van 'n danskompetisie by die winkelsentrum, skryf sy dadelik in. Minki belowe albei haar maats dat sy hulle sal kom ondersteun, maar dis is net een probleem … die perdrykompetisie en die danskompetisie vind op presies dieselfde tyd plaas. Skielik voel Minki asof sy in die middel van 'n toutrekkompetisie tussen haar twee beste maats beland het. Hoe gaan sy ooit tussen Natalie en Lara kan kies?   SELFLEESKATEGORIE SKRYWER - JACO JACOBS  ILLUSTREERDER - THEODORE KEY GRAAD 4 - 5 Alex se oupa het grys hare en vals tande en hou daarvan om reisprogramme op televisie te kyk. Maar dan ontwikkel hy skielik 'n belangstelling in ... BREINNNSSS! Oupa word 'n zombie en as Alex hom wil red voordat die Zombie Span opdaag, sal hy 'n plan moet voorstel (en hope broccoli). Hul reise om 'n oplossing te vind, neem hulle dwarsoor Afrika - van Zimbabwe tot Egipte - en langs die pad ontmoet hulle 'n verskeidenheid interessante en wonderlike karakters.   SELFLEESKATEGORIE SKRYWER - DE WET HUGO GRAAD 6 - 7 Vanessa se ouers was eens skatryk, maar wanneer haar pa alles verloor moet hulle trek na 'n piepklein huisie op 'n skrootwerf waar haar pa as bestuurder van 'n insleepwa gaan werk. Die motorongeluk waarin Vanessa betrokke was, spook steeds by haar. En al die gruwelike motorwrakke in die skrootwerf gee haar die horries. Wanneer sy die eienaardige Wayne ontmoet, vind sy boonop uit dat die skrootwerf meer as een spokerige geheim wegsteek . . .   SELFLEESKATEGORIE SKRYWER - FANIE VILJOEN GRAAD 8 - 10 Op sewentien, toe ons by Opleidingskamp Alpha rapporteer, het ons elkeen ons eie S13 gekry. Daardie dag, toe ek my hande op die swart metaalhuls van die geweer lê, het iets in my doodgegaan. Ek het dit net nie toe al besef nie... Dertig soldate kry van kleintyd af intense weermagopleiding in 'n distopiese staat. Ses jong soldate, ontneem van hul menslikheid en hulle jeug, bly oor en word ontplooi na die Front. Een van hulle vermoor hul seksieleier. Almal ontken hulle is skuldig. Wie van hulle lieg?     Met Kersfees om die draai, is daar 'n magdom nuwe boeke om van te kies!    BOEKE IS GETEKEN DEUR IRNA VAN ZYL Met Louw Roodt se verdwyning ná 'n werkgeselligheid word Kristien Liebenberg se grootste vrees bewaarheid: Haar lewensmaat kom nie huis toe nie. Was Louw in 'n ongeluk, het sy 'n affair, is sy ontvoer, aangerand, of erger, in die sandduine en bosse van die Kaapse Vlakte vir dood agtergelaat? Of het dit met hulle groot bekgeveg die oggend te doen? Toe breek die nuus van 'n man wat in 'n Kaapse hotel vermoor is. Dieselfde hotel waar Louw was. Dieselfde aand as wat sy verdwyn het. Dieselfde man wat vroeër dié dag die gasspreker by haar werk was. Het Louw iets met die moord te doen en vlug sy nou? Die polisie dink so. Of hou die verdwyning verband met haar ma wat een-en-twintig jaar gelede voor hulle huis in Tamboerskloof met motor en al gekaap is? 'n Voorval wat vir Louw 'n groot sielkundige knou gegee het. Deur al die vrae en groeiende paniek, weet Kristien Louw is in die moeilikheid en sy moet haar red.   NOG MEER NUWE VRYSTELLINGS Dertig jaar gelede is Johan Botha lewenslank tronk toe gestuur vir die moord op drie tienermeisies. Terminaal siek en pas vrygelaat, vra hy misdaadjoernalis Ami Prinsloo om hom te help om sy onskuld te bewys. Hoe kan sy nee sê? Dis 'n uitstekende storie. En as 'n voormalige swemkampioen met geraamtes in haar eie kas, weet sy hoe dit voel om als te verloor. Om te sukkel om mense in die oë te kyk. Hoe dit voel as iemand na aan jou vermoor word en te weet dat die skuldige nog op vrye voet is . . .                   NUWE KINDERBOEK VRYSTELLINGS

 

 

Ons is gedurig op soek na winskopies om jou sak te pas. Klik hier om te kyk na die boeke op uitverkoping. Fiksie vanaf R49, kinderboeke vanaf R20, niefiksie vanaf R79. Hieronder is 2 van die ongeveer 600 titels op uitverkoping. WAS R360 - NOU R109 WAS R290 - NOU R79

 

KOM KUIER SAAM MET SKRYWERS OP GRAFFITI SE FACEBOOKBLAD. HIER IS NET 'N PAAR BEKENDSTELLINGS WAARNA JY KAN UITSIEN. VOLG ONS OP FACEBOOK OM OP HOOGTE TE BLY VAN NUWE BEKENDSTELLINGS.

 

TOT VOLGENDE KEER, LEKKER LEES EN WEES VEILIG.

 

GRAFFITI BOOKS & STATIONERY TEL: 012 548 2356 EMAIL: info@graffitibooks.co.za Unsubscribe