|
Hy was niks minder of meer as
ek nie. Bang. Siek. Verlore. Nietige mens. ’n Flikkerende vuurhoutjie
teen die duisternis.
 Sollie Mthembu se huwelik lê aan skerwe. Nyandi het die kinders
gevat en is sak en pak terug Lesotho toe. Terwyl hy in ’n Bloemfonteinse
gastehuis lê en tob oor waarom Nyandi hom sou wantrou, brand ’n
kunsgalery op Parys tot op die grond af. Die wêreldberoemde kunstenaar
Aretha Hattingh se oeuvre – en tuiste – nou ’n hoop as. En in die middel
van die ruïne: die oorskot van ’n vrou, vermoedelik dié van Aretha.
In Parys ontmoet Sollie ’n handvol verdagtes:
’n kunsagent, ’n prokureur, ’n slagter, ’n bouer en ’n koerier. Voeg
hierby ’n venynige aanneemkind, ’n jaloerse, skatryk eksman, die dorp se
sprankelvrou én ’n stasiebevelvoerder wat die septer na haar eie reëls en
tyd swaai, en jy het die wenresep vir ’n intrige gevul met hoogdrama. Is
dit moord? Selfdood? Of bloot ’n fratsongeluk?
Nog ’n blitsblaaier deur Sidney Gilroy.
Middernag, die skrywer se tweede roman, is in 2021 met die
kykNet-Rapport-filmprys bekroon.
“’n Lekkerlees-speurverhaal met
interessante kinkels” – Karin Brynard
Oor die skrywer
Sidney Gilroy is 1 Junie 1980 op Virginia
gebore. Later verhuis hy saam met sy ouers na die Oos-Vrystaat. Sy
debuutroman, Klikbek, verskyn in 2019 by H&R. In 2020
verskyn die opvolg, Middernag, wat in 2021 met die
kykNET-Rapport-filmprys bekroon word. Sidney is ’n projekbestuurder in
die ingenieursbedryf en woon tans op Hartenbos.
Publikasiedatum: 01 Februarie 2022
Prys: R290,00*
ISBN-13: 9780798182188
Digitale-uitgawes
Prys R232,00*
Epub ISBN: 9780798182195
* Prys onderhewig aan verandering
ANTWOORD OP HIERDIE E-POS VIR
’N RESENSIEKOPIE, ONDERHOUD, UITTREKSEL OF MEER INLIGTING
|
No comments:
Post a Comment