|
|
MEER OOR DIE
RAKKERS
Die
eerste vrystelling getiteld, Die Rakkers Is Hier! word vandag digitaal
bekendgestel op Internasionale
Moedertaaldag. Die
FAK, Afrikaans.com, AfriForum Teater en CO Productions het kragte
saamgesnoer om hierdie projek te loods.
Die
eerste vrystelling Die Rakkers
Is Hier! sluit
in ou FAK-gunstelinge soos Hoedjies
Van Papier, Hansie
Slim, Wielie
Wielie Walie, Dis Heerlike Lente en Saai Die Waatlemoen.
Die snit sal 21 Februarie op alle digitale stromingsplatforms
beskikbaar wees asook verskeie sosiale media platforms.
Die
Rakkers is… Nadia Beukes, Lee Scott, Hendri Myburgh en Pulane
Nel-Sekepe en elke lid van die groep verteenwoordig ook ‘n kleur –
rooi, groen, blou en geel – wat bydra tot die opvoedkundige deel van
die projek.
|
|
|
|
|
|
|
Die rooi rakker, NADIA BEUKES het geen bekendstelling nodig nie – Getroud Met
Rugby aktrise, Boer Soek ‘n Vrou-aanbieder, stemkunstenaar en ma
van twee pragtige seuns.
|
|
|
|
|
|
Die blou rakker, HENDRI MYBURGH het jou oggend meer draaglik gemaak op kykNET se
Die Groot Ontbyt tot hy einde 2021 as aanbieder gegroet het. Hy
was ook deel van die musiekfliek, As Jy Sing en is ‘n pa van twee
kleuters.
|
|
|
|
|
|
Die groen rakker, PULANE NEL-SEKEPE het harte gesteel op die klankgolwe van
JacarandaFM en ook as TV-aanbieder. Sy het ook hope ervaring in
kinderteater en werk gereeld agter die skerms as vervaardiger.
|
|
|
|
|
|
Die geel rakker, LEE SCOTT is seker een van ons land se beste manlike stemme
en het begin as lid van die sanggroep, Hi-5 voor hy ‘n solo
loopbaan aangepak het en nou ook stemafrigter by sy eie sangskool
is.
|
|
|
|
|
|
|
|
|
Die
bekroonde internasionale vervaardiger, Vaughan Gardiner
– ook pa van twee woelwaters - is verantwoordelik vir die musikale-
en stemverwerkings asook finale meng van Die Rakkers vanuit Dubai
terwyl Ferdinand
Skead plaaslik die stemme opgeneem het.
Afrikaans
is die taal waarin ons praat, droom, stories vertel en musiek maak.
Afrikaans is nie net 'n skatkis van woorde en gesegdes nie, maar 'n
diskoteek van musiek - musiek wat Die Rakkers vir hul nageslagte wil
bewaar. Dit is tyd om nuwe asem in die ou-bekende Afrikaanse treffers
te blaas en dalk selfs nuwe treffers vrystel om vir ‘n volgende
generasie na te laat terwyl ons deur dit alles, selfs net vir ‘n
oomblik vergeet van dit wat swaar en seer is en na 'n ander wêreld
ontsnap…
|
|
|
|
|
|
|
“Meer
as 85 jaar nadat die FAK-Sangbundel die eerste keer tuis geraak het
in die klaskamers, huise en harte van Afrikaanssprekendes met
liedjies soos Hansie
Slim, Wielie
Wielie Walie en Saai
Die Waatlemoen, maak Die Rakkers dit weer plesierig vir
oud en jonk om saam te kan sing,” sê Johan Jansen van Vuuren,
bemarkingsbestuurder van die FAK.
“Die projek word met trots deur die FAK as kultuurvennoot ondersteun
om onder andere die 85ste verjaarsdag van die Sangbundel te vier,”
vertel hy.
“Ons
is opgewonde om deel te wees van hierdie projek wat vermaak en
inspireer – in en deur Afrikaans. Moedertaalonderrig is vir ons van
groot belang en ons glo dat deur te skep in Afrikaans op ‘n wyse
waarby die jong generasies kan aanklank vind, ‘n groot bydrae lewer
in die voortbestaan en bevordering van Afrikaans,” sê Milanie Vosloo Afrikaans.com
Projekbestuurder.
“Die
AfriForum Teater het sonder skroom besluit om deel te word van dié
opwindende nuwe projek wat goeie gehalte Afrikaanse kindervermaak
skep,” vertel Carien Bloem die bestuurder van AfriForum
Teater. “Ons voel saam met die kunstenaars sterk
oor die nalatenskap wat ons vir ons kinders in ons pragtige taal
Afrikaans los. Om ou bekende FAK-liedjies af te stof en nuut te maak
vir die jongspan was in die kol. Die voortbestaan van Afrikaans,
ongeag die genre, sal altyd vir AfriForum Teater belangrik wees,”
voeg sy by.
“Dis
so lekker om saam met kunstenaars en rolspelers te werk wat so ‘n onblusbare
passie vir hul taal het en wil seker maar dat die jongspan ook in
Afrikaans vermaak kan word vir jare wat kom,” vertel Corné Oosthuizen
van CO
Productions. “Ons hoop dat Die Rakkers ‘n vars
nuwe asem in die vermaakkringe sal wees vir alle platforms van feeste
tot kinderpartytjies,” sê hy.
|
|
|
|
No comments:
Post a Comment