|
Dalk vra jy nou: Al
weer? Dis tog holrug gery? By Afrikaans.com sê ons: Ja, al weer,
want ons skuld ons kinders dit. Ons mag nie laat slap lê nie.
Moedertaalonderrig is belangrik as ons wil hê ons kinders moet sukses
behaal en ook as ons met die res van die wêreld wil
saampraat.
*So sê twee
leerders wat gesamentlik 24 onderskeidings in 2021 se
matriekeindeksamen ingeryg het:
“Dit is veral belangrik
in die laerskool, omdat ’n mens dan vinniger verstaan en makliker nuwe werk
leer. En juis omdat ons Afrikaans so goed onder die knie gehad het,
het ons goed reggekom in die hoёrskool waar party van ons vakke en
handboeke in Engels was. Buitendien voel ’n mens net soveel
gemakliker in jou moedertaal en is dit makliker om deel te neem aan
gesprekke of kennis oor te dra.”
– Christiaan en Carla Botes,
Helpmekaar Kollege
Nou ja … het 'n mens
beter redes nodig as die woorde van twee uitsonderlike jongmense?
Daarom plaas Afrikaans.com vanjaar weer eens die kollig op die
belangrikheid van moedertaalonderrig. Jy kan uitsien na
interessante inhoud op die webtuiste, soos artikels en luister- en
kykinhoud, wanneer ons met ’n paar interessante mense gesels oor
die sukses wat hulle in en deur hulle moedertaal bereik
het.
*Lees gerus die
artikel oor die Botes-tweeling op ons webtuiste – ons laai hom
binnekort.
Verfris jou
geheue
As jy jou geheue wil
verfris, gaan kyk gerus na ons bestaande moedertaalaanbod op die
leerhulpafdeling. Dit sluit in:
Jy is welkom om die
inligting met erkenning aan Afrikaans.com op jou platforms te deel.
Hou ook ons sosialemediablaaie dop vir meer oor
moedertaalonderrig.
Hoe vier jy
Internasionele Moedertaaldag?
Afrikaans.com
ondersteun graag sodanige inisiatiewe en nooi jou uit om jou
program en beplande Internasionale Moedertaaldagvieringe met ons te
deel sodat ons dit verder aan die groot klok kan
hang.
Só skryf ons saam aan
die toekoms van Afrikaans, maar veral ook aan die toekoms van
moedertaalonderrig.
-Einde
|
No comments:
Post a Comment