|
|
KRY VIR JOU
deur François
Bloemhof
Terug na 1981. Februarie, warmste maand in die Kaap. Op ’n wynplaas
buite Stellenbosch woed ’n vernietigende vete tussen die broers
Christiaan en Jacobus de Wet. Watter een van hulle is dit wat die
vlamme so aanblaas? Ludo Labuschagne, die onverskrokke (soms baie
verskrokke) held, is net die man om dié tergende raaisel op te los en
geregtigheid te laat seëvier. Sal Ludo betyds uitvind wiedoenit?
|
|
|
|
DROOMBOOM
deur Marie
Spruyt
Wanneer sy skrywersverblyf in Killaloe, ’n klein Ierse dorpie,
aangebied word, gryp Mariaan die geleentheid aan. Nadat haar vriend in
die studenteopstande dood is, is Suid-Afrika vir haar sinoniem met
geweld. Ierland, met sy magiese landskap, legendes en kleindorpse
rustigheid, oorrompel haar en sy verloor haar hart – nie net op die
plek nie, maar ook op Declan. Om werklik te kan lééf, sal sy eers
met haarself en haar verlede moet vrede maak.
|
|
|
|
MEER AS NET ’N NAG
deur Dina Botha
Ná Sureya haar loopbaan as plusgrootte model prysgegee het om haar eie
reis-agentskap te begin, wys sy vir haar verloofde ook sommer die deur.
Nou begelei sy ’n groep ouer dames op ’n seereis aan boord die
legendariese skip, Botanical, onder leiding van die bekwame en
begeerlike kaptein, Chris Chandris.
|
|
|
|
DIE HART SOEK WAT HY SOEK
deur René van
Zyl
Elizma Victor werk baie hard om vir haar jong seun, Luka, ’n goeie
ma te wees en om hom te beskerm. Hulle huisie by die see behoort hom
veilig te hou van die lelik in die wêreld wat haar al vir jare teister.
Sy sal seker maak hy word nie blootgestel aan hartseer of swaarkry nie.
En Luka gaan nooit, ooit sy pa ontmoet nie.
|
|
|
|
IN DIE NAAM VAN LIEFDE
deur Frenette
van Wyk
Ná tien jaar daag Romain weer op by Kleinroos-boom, die plaas waar
Fleur met haar stiefma en twee stiefsusters bly. Fleur is steeds
verlief op hom, maar Romain wil skynbaar net die magiese bos hê waar
Fleur nou al jare bly, en hy is bereid om met enigeen van die drie
dogters te trou om dit te kry.
|
|
|
|
SOETER AS TJOKLITS
deur Lizelle von
Wielligh
Cecile se ma het altyd gewaarsku teen haar avontuurlustigheid, maar sy
gaan beslis nie hierdie vreemdeling soen bloot omdat hy vra nie.
Bygesê, die ongeluk was tegnies haar skuld, maar steeds, ’n dame het
haar perke. Nou verwag Blackie van haar om hom op sy plaas te kom
rondkarwei terwyl sy been herstel.
|
|
|
|
KLEUR EN KARAMEL
deur Analize
Viljoen
Wanneer ’n gebroke verhouding vir Hanri terugdryf na haar tuisdorp
Swellendam, begin sy huise verf, vasberade om vrou-alleen ’n
suksesvolle verfbesigheid staan te maak. Op ’n projek ontmoet sy vir
Lily, ’n nuweling op die dorp wat ’n koffiewinkel en bakkery kom
oopmaak.
|
|
|
|
KLANKGRENS
deur Maretha
Maartens & Magda Slabbert
Maretha Maartens en Magda Slabbert neem hande om in Klankgrens die
verhaal van pyn, oorlewing en die diepe worstelinge van die grensoorlog
se weer-magvroue oop te vlek. Uit die oogpunt van die vrouens wat moes
agter-bly, wat moes aanhou, wat moes verstaan, en kop bo water hou,
leer ken ons vir Jo en haar kinders.
|
|
|
|
LEEF IN VOLKLEUR
deur Johan Smith
In hierdie wonderlike boek delf Johan Smith diep in Bybelse waarhede
oor die kern van verhoudings. Hy wys vir ons dat God ’n God van innige
verhoudings is, en daarom moet ons in sy voetspore volg en weer
passievol oor verhoudings raak. Hierdie is ’n boek wat elkeen moet
lees! Also
available in English as Colour
your life with relationships.
|
|
|
|
.jpg?v=1643719089699)
DIE NET IS GEBREEK
deur Chris van
der Merwe
Die blydskap oor die gebreekte vangnet kan slegs ervaar word deur
diegene wat weet van die net wat hulle gevange hou en waaruit hulle nie
self kan ontsnap nie. Alleen die nederige persoon kan opreg bid, en
nederigheid is ook die gevolg van ’n gesonde gebedslewe. Also available in English as The
broken snare.
|
|
|
|
|
No comments:
Post a Comment