|
Alwyn Uys is gebore om 'n
Springbok-rugbyspeler te word, maar word verlam in 'n motorongeluk op
24-jarige ouderdom. Na intense rehabilitasie gaan Alwyn huis toe, en
niks is soos dit was voor die ongeluk nie. Hy vertel deernisvol en eerlik
hoe hy met genade van Bo opgestaan het en besluit het om aan te gaan met
sy lewe. Die ongeluk het hom kans gegee om dinge te doen wat hy nooit
voorheen sou gedink het hy sou kon doen nie. In 2019 word hy die eerste
paraplegiese atleet wat 'n Ironman-kompetisie in minder as sewe uur te
voltooi. Op 11 Desember 2020 word hy die eerste parapleeg ooit wat van
Robbeneiland na Eden on the Bay (Bloubergstrand) swem. Met vele
ander terugslae en teleurstellings in sy vroeë lewe, ontvou 'n verhaal
van ontembare deursettingsvermoë wat ander sal inspireer.
Oor
die skrywer
Alwyn
Uys het grootgeword in die Oos-Kaap en studeer op die Universiteit van
Stellenbosch. Op 24-jarige ouderdom verloor hierdie kranige rugbyspeler
die gebruik van sy bene in ’n motorongeluk. Hy is deesae ’n gestremde
atleet en neem onder andere aan driekamp deel. Hy is ook ’n aktiewe
vlogger.
Sy lewensverhaal
word ook oorvertel in ’n dokumentêre film wat in April op M-Net uitgesaai
sal word.
Publikasiedatum: 1 Maart 2022
Prys: R210
Bladsye : 176
Formaat: 198mm x 130mm
Bindstyl: Sagteband
Kategorie: Niefiksie
ISBN-13: 9780796322135
* Prys onderhewig aan verandering
|
No comments:
Post a Comment