Klipkinders: NUUT op Taalonderrigportaal: Klaskamerhulpmiddels

Monday, May 23, 2022

NUUT op Taalonderrigportaal: Klaskamerhulpmiddels

Daar word tans in die Kurrikulum- en Assesseringsbeleidsverklaring (KABV) vir onderwysers verkeerdelik aangedui dat dan, dus, daarom, nogtans en anders groep 2-voegwoorde is. In hierdie uitdeelstuk word verduidelik aan watter woordsoort sulke woorde wel toegeken behoort te word en wat die verskil tussen hierdie woorde en voegwoorde (bv. maar, en en want; en sodat, dat, omdat en indien) is. Skandeer die QR-kode voor op die leerhulpmiddel, of klik op die YouTube-skakel in die regterkantste hoek. Met die video oor die eendjie en gansie kan hierdie onderwerp selfs aan leerders in laer grade bekend gestel word.

Neem asseblief kennis dat hierdie produk die intellektuele eiendom van die Virtuele Instituut vir Afrikaans (VivA) is (© VivA 2022). Dit mag deur jou gebruik word, mits jy dit aangekoop het en aan VivA erkenning gegee word. Dit mag nie gedeeltelik en/of algeheel gedupliseer word en met ander gedeel word nie.

1. Teken op VivA se webblad (https://viva-afrikaans.org/) aan.
2. Gaan na Portale > Taalonderrigportaal > Klaskamerhulpmiddels > “Voegwoordelike bywoorde en voegwoorde in ’n neutedop” > “Koop”

OF
Gaan na Winkel in die regterkantste hoek > Klaskamerhulpmiddels > “Voegwoordelike bywoorde en voegwoorde in ’n neutedop” > “Laai in mandjie”
3. Nadat die produk aangekoop is, behoort ’n boodskap op jou skerm te vertoon wat aandui dat jou aankoop suksesvol was. ’n Blou skakel sal voorsien word waarop jy kan klik om die hulpmiddel af te laai.
4. Instruksies oor hoe om die QR-kode of YouTube-skakel te gebruik wat op die voorblad van die produk verskyn, word op Klaskamerhulpmiddels (https://viva-afrikaans.org/portale/taalonderrigportaal/klaskamerhulpmiddels) gegee.