Vuurwarm boeke! 🔥📚

 

LEKKERLEES LAPA   LIEFDESLES deur Vita du Preez Daniël en Emma se verhouding is steeds ingewikkeld: Daniël probeer sy vervreemde vrou, Sally, oorreed om die egskeiding toe te staan en Emma sukkel om vir Daniël te vertel dat sy swanger is. Sal Daniël haar steeds na sy klaskamer neem? Sal Daniël kan vrede maak met die verlede en sy verhouding as jong seun met die onderwyseres, die verhouding wat sy seksvoorkeure bepaal het, sien vir wat dit was? Vir Daniël en Emma kom die liefde uiteindelik met baie lesse. Liefdesles is die derde en laaste boek in Vita se trilogie. Koop hier   ROMANZA   Koop hier LIEWE LISA deur Kristel Loots Lisa is ’n liewe mens, ’n ware engel. Om altyd gaaf en goed te wees, vát aan ’n mens. Veral sedert haar pa uit hul lewens is en die sedige oom Johan se kerkskoene soms onder haar ma se bed staan. Lisa hang haar engelvlerke op toe sy vir Darius Skietekat, oom Johan se seun, ontmoet. Oor een ding stem Lisa en Darius saam – hul ouers hoort nie bymekaar nie. In Lisa se ma se huis is daar baie vertrekke, maar nie genoeg om die Bothas en die Skietekatte uit mekaar se hare te hou nie. Al wat Lisa vra, is om uitgelos te word. Dis háár lewe, háár ape, háár sirkus, en Darius Skietekat hoef nie daarmee saam te stem nie. Koop hier NET VIR ’N SEISOEN OF TWEE deur Dina Botha Marcelle ontmoet vir Sebastian by ’n partytjie. Nog nooit het sy so ’n vreemde, aantreklike en onbeskryfbare arrogante mansmens ontmoet nie. Voordat Sebastian nog haar naam weet, maak hy alreeds ’n afspraak met haar. Nie eens die feit dat sy skynbaar getroud is skrik hom af nie. Hy maak dit duidelik dat hy in haar belangstel en vasberade is om haar te besit – maar net vir ’n seisoen of twee. Marcelle is nie heeltemal blind vir sy aantreklikheid of bestand teen sy sjarme nie, maar ingee gaan sy beslis nie. Wanneer ’n ramp haar sakeonderneming tref, leer sy ’n ander kant van Sebastian Rigter ken.    Koop hier SPROKIE VIR ’N PLAASKIND deur René van Zyl Geneviève van Vuuren se sprokieshuwelik word onverwags deur haar verloofde afgestel. Kwaad, hartseer en teleurgesteld besluit sy impulsief om saam met haar suster en swaer met ’n kampeerwa deur Italië te gaan reis. Alles verloop goed, totdat die losbol wêreldreisiger, Reinhard Prinz, hulle op die laaste nippertjie vergesel. Al wat Geneviève met Reinhard in gemeen het, is die feit dat hulle albei as kinders deur ’n ouer verlaat is. Nie een van hulle vertrou die teenoorgestelde geslag nie en is ook nie van plan om van mening te verander nie. Is die vrees vir verwerping sterk genoeg om in die pad van hul geluk te staan? Koop hier VRYVAL NA LIEFDE deur Corné van Rooyen Janneke Lombard werk vir die aantreklike joernalis, skrywer en avonturier, De Wet Combrink. Sy hou van haar werk en is gewoond daaraan om hom te vergesel waar hy ook al gaan werk. Maar om saam te gaan vakansie hou? Daarvoor is sy nie aangestel nie. Ook nie om sy suster se drie kinders op te pas nie. Hoe meer tyd Janneke egter saam met De Wet en die kinders deurbring, hoe meer raak sy bewus van haar gevoelens vir die man. Gevoelens wat beslis nie tussen ’n werknemer en haar baas hoort nie. Sy het lankal besluit dat sy nie weer wil seerkry nie – liefde en seerkry gaan immers hand-aan-hand.   KOMPETISIES Neem hier deel

 

Teken uit • Hersien profiel • Lees in PDF • Onderbreek e-pos tydelik • Lees aanlyn   Hierdie e-pos is gestuur aan bekkieburger777@gmail.com op 06-05-2022 deur Penguin Random House SA, Penguin Random House SA, Unit 12A (ii), Growthpoint Business Park, 162 Tonetti Street, Halfway House, Gauteng, 1685. Hierdie e-pos is slegs bedoel vir inteken-kommunikasie. As u voel dat hierdie e-pos ongevraagd is stel ons in kennis. E-pos voorsien deur