|
|
DIE BEWONDERAAR
deur Erla-Mari
Diedericks
Dominique du Randt word in Molenberg Psigiatriese-hospitaal opgeneem ná
haar ma se wrede moord. Niemand glo in haar onskuld nie. Almal aanvaar
dat haar agtervolger, Die Bewonderaar, net in haar nagmerries bestaan
en nie werklik is nie. Haar sielkundige, Martin, het wel sy bedenkinge. Dan
verdwyn een van Dominique se mede-pasiënte. Soos voorheen, is Die
Bewonderaar weer in beheer.
|
|
|
|
ROOIGETY
deur Bets Smith
Inwoners van Makulu Manzi het skaars herstel van die
kinderpornografieskandaal wat die dorp vroeër die jaar getref
het.
Nou is daar gerugte van moetiemoorde en ekstremistiese groepe wat
kinders werf vir selfmoordbomaanvalle. Wanneer Daleen Boshoff se dogter
tydens ’n uitstappie op die lyk van ’n tienerseun afkom, ruk dit die
fondament onder hul uit. Is dit inderdaad moord vir moetie?
|
|
|
|
|
|
DIE MANJIFIEKE ONTWAKING VAN MEL
deur Jacolet van
den Berg
Vir Mel is haar eie melkweg skitterend. Sy het wat sy wil hê, sy is wie
sy wil wees. Sy maak die reëls en sy dra nie maskers nie, want sy is in
beheer. Maar skielik maak ’n veel groter ster haar verskyning:
Isabella. Mel word gekonfronteer met wie sy is en wat sy wil hê.
Uiteindelik moet sy leer dat indien jy bereid is om jouself ontvanklik
te maak, daar baie meer is wat mense in gemeen het as wat ons weghou
van mekaar.
|
|
|
|
VRY OM LIEF TE HÊ
deur Alma
Carstens
Lara bevind haar in ’n penarie toe Thailand se grense skielik weens die
pandemie sluit. Nie net sit sy gestrand in ’n vreemde land na haar
vakansie nie, haar finansies is ook in ’n beroerde toestand. Teagan
ontmoet vir Lara wanneer sy as vrywilliger in die oerwoud noord van
Chiang Mai gaan werk. Hy ontferm hom oor haar, maar alles is nie soos
dit op die oog af lyk nie.
|
|
|
|
JAARGETY
deur Madelie
Human
Zadelle, die nuwe dokter op Groeneweide, dra ’n donker geheim en stel
geensins belang in enige verhouding nie. Totdat sy vir Jacques
Greyling, ’n aantreklike beesboer ontmoet. Jacques verloor sy hart op
Zadelle en is vasberade om haar vir homself te wen, maar vind gou uit
dis nie so maklik nie. Jacques is egter ’n Greyling en deins nie terug
vir enige uitdaging nie.
|
|
|
|
LIEFDE IS GENOEG
deur Rika Cloete
Tharina Enslin word op haar troudag voor die kansel laat staan. Om die
vernedering en hartseer te oorkom, reis sy na Positano, ’n romantiese
dorpie aan die Amalfi-kus in Italië. Hier word sy van dag een af
ongevraagd betrek by die intriges van die Malans: Hugo, ’n beeldhouer
en die eienaar van die gastehuis waar sy tuisgaan; sy losbolbroer,
Gideon; en Hugo se verloofde, die beeldskone Isabella Rossi. Die
onderstrominge en geheime tussen hulle lei nie net tot lewensgevaar vir
Tharina nie, maar bring haar ook nader aan haar lotsbestemming. En
uiteindelik ook nader aan die liefde.
|
|
|
|
BAGASIE VAN DIE HART
deur Ernalize du
Toit
Toe Teda die aantreklike Engelsman Will Thaning met sy sexy aksent
ontmoet, laat hy haar hart dadelik vinniger klop. Ongelukkig is dinge
heelwat meer gekompliseerd as wat dit lyk en kom albei van hulle met
bagasie. Net soos Teda, het Will ’n hartseer verlede wat altyd
onlosmaaklik deel van hulle gaan wees. Saam met Will ontdek Teda nuwe
plekke en droom sy oor nuwe moontlikhede. Maar het Will ná al hierdie
jare enigsins ’n vrou in sy lewe nodig? Is hulle dalk op twee heeltemal
verskillende plekke in hulle lewens met doelwitte wat nié versoenbaar
is nie?
|
|
|
|
GEANKER IN GELOOF
deur Caitlin
Henderson
Geanker in geloof
nooi die leser uit om die skoonheid en wonder van God wat reg voor ons
is, raak te sien sodat ons die eerste tree met nuwe moed kan neem in
die rigting van die wonderlike roeping wat Hy vir elkeen het.
|
|
|
|
RIG JOU GEDAGTES HIEROP
deur John Stange
Hierdie boek is ’n uitdaging om vir een-en-dertig dae met jouself te
praat soos wat die Here met jou praat. Leer om jouself deur God se oë
te sien deur jou hart en siel te voed met Bybelse boodskappe vir
geestelike bemoediging en onderskraging!
|
|
|
|
|
No comments:
Post a Comment