|
20 heuglike jare van Jaco Jacobs!
Jaco Jacobs is sonder twyfel een
van Suid-Afrika se héél gewildste, héél bedrywigste en héél beste
kinderboekskrywers en hierdie jaar vier ons sy twintigste jaar in die
boekbedryf. Dis ‘n prestasie wat ons graag met julle as lesers wil
deel, daarom gee ons julle lekker afslag en is daar fantastiese pryse
op die spel.
|
|
|
20 jaar, 20 boeke, 20 minute!
Om
Jaco se 20ste jaar as
gepubliseerde skrywer te vier gee ons nie nét 20 van sy boeke weg nie, maar ook ‘n
20 minute lange
Zoom-sessie met die skrywer! Dis reg! As jy (of
jou kind) wen, kan jy vir 20 minute lank vir Jaco peper met al die vrae
wat jy hom nog ooit wou vra! Hou ons sosialemediabladsye
dop vir meer inligting.
|
|
|
|
Selfies met Skape!
Dinge wat jy nie
van skape geweet het nie is een van Jaco se gewildste boeke
vir tieners. Die boek word nou ook in Engels vertaal as Taking selfies with a sheep
en is een van die dae beskikbaar! Jy kan die boek EN 'n Instamax-kamera wen.
Gaan like ons Facebook- en Instagram-bladsye om seker te maak jy
mis nie uit op die lekker prys nie.
|
|
|
|
'n Lekker winskopie!
Bastian Blom is ‘n interessante outjie. Hy versamel grillerige goed,
soos valstande en boeke met spookstories, en hy bly saam met sy pa
bo-op ‘n oudhedewinkel. Maar vreemde goed gebeur in die winkel …
skilderye begin praat, monsters word lewendig en het iemand 'n woedende
weerwolf genoem? Koop nou al vier boeke teen 15%-afslag! Aroooooo!
|
|
|
Jaco in jou klaskamer ...
Baie van Jaco se boeke is ideaal vir die klaskamer en ons het ook
verskeie studie- en leesgidse en leesgidse oor sy boeke beskikbaar. Kyk
gerus uit vir die gids van My
Ouma is ‘n Rockster wat binnekort verskyn, maar loer solank
hier vir ekstra materiaal om jou in die klaskamer by te staan.
|
|
|
Sy nuutste boek, Tussen die Lyne, is ‘n wonderlike
aktiwiteitsboek wat kinders (en grootmense) help om kreatief te skryf.
Jou klas gaan nooit weer sukkel met opstelle nie! Ander lekker boeke om
met groot vrug in te span is Wo(o)rdslim 1 & 2 en die fantastiese feiteboek met die
stoute titel, Kan ‘n walvis winde los?
|
|
|
In 20 jaar het Jaco BAIE geskryf, so as
jy jou kind wil bederf met een van die honderde boeke uit sy pen, klik
op die onderste skakel. Daar is voorleesboeke, soos Sasha word stil, boeke vir
beginnerlesers, soos die
Z is
Zackie-reeks,
selfleesboeke soos al die Zackie Mosterts en natuurlik boeke vir tieners, soos Suurlemoen! Maar gaan snuffel
eerder self rond!
|
|
|
|
|
No comments:
Post a Comment