Ons vier Peet Venter

 

 

Visueel, gestroop en op die man af: Peet Venter het sy roeping gevind in misdaadspanning – soms met misterie, geskiedenis, selfs humor, maar hoofsaaklik misdaad. Hy vermy die stereotipe, toets uiterstes met sy karakters; van die menslikes tot dié wat bloot net boos gebore is.   "Peet Venter draai nie doekies om nie. Die pas in die verhale is vinnig en die gebeure is grusaam. Met sy gestroopte styl trek Venter die leser onverbiddelik in die verhaal in." — Alta Cloete   Koop Hier EEN VIR EEN Die onderwêreld is in rep en roer. Kaptein Fritz Hartzer ondersoek die moord op taxibaas Baloyi en die Rus Slović, invloedrykes in Gauteng se georganiseerde misdaad. Ook binne misdaadbaas Don Knox se kringe is roeringe. Is iemand besig om die grootkoppe in georganiseerde misdaad een vir een uit te haal, of is dit bloot die gevolge van hulle toenemende kompetisie met mekaar? Wanneer Slović se vriendin binne die polisiestasie, onder sy wakende oog, vermoor word, wéét Fritz dat iemand binne eie geledere betrokke moes wees.  Die druk is hoog en die tyd min. Maar is dit alles die moeite werd – veral as Fritz bykans nooit meer by die huis is om sy vrou en dogter te sien nie? Koop Hier DIEPER AS DIE BLOED Thys Krige se dryfveer is die onopgeloste moord op sy pa. Die enigste leidraad wat hy het is iemand wat hy daardie aand vlugtig naby die toneel gesien het, en die woorde wat die man vir hom gesê het: “Kyk dieper as die bloed.” Sy ondersoek na die moord op twee sakemanne lei Krige na die onopgeloste moord op ‘n model. Hy krap ’n misdaad-sindikaat van korrupte sakemanne en senior polisie-offisiere oop; mense wat hulself as bo die wet beskou; mense wat nie skroom om wie in hul pad kom uit die weg te ruim nie. In die proses kry Krige oproepe van ’n geheimsinnige persoon wat nie alleen sy vordering met die ondersoek dophou nie, maar ook duidelik baie van hom weet. In hul gesprekke sê die man by herhaling vir hom: "Kyk dieper as die bloed."   Koop Hier BRAND Die voormalige speurkaptein Thys Krige is wat hy is. Hy maak mense dood. Hierdie keer word hy betrek by korrupsie en komplotte op regeringsvlak. ’n Korrupte president speel in die hand van ’n buite-landse familie wat onmoontlik ryk is, nie as gevolg van hul onbaatsugtige werkywer nie. Sagte kolonisering, noem mens dit. Nou loop die tentakels daarvan al so diep in die struktuur van mense in sleutelposte dat niemand meer seker is wie betrokke is en wie vertrou kan word nie. In sulke gevalle protesteer mense gewoonlik. Hulle kan byvoorbeeld so aggressief gemaak word dat hulle mekaar begin uitroei. Koop Hier SOOS 'N DIEP WATERKUIL "’n Sedelose vrou is soos ’n diep waterkuil. ’n Verleidster is soos ’n put waaruit jy nie kan kom nie. Eers was daar een. Toe was daar twee. Nou is daar drie." Die stem wat laatnag met speur-adjudant Jaap Helberg, beter bekend as Boel, oor die foon praat, is skor en die elokusie dik soos iemand met ernstige laringitis en ’n verstopte neus. Die moordenaar hou van raaiselspeletjies. Hy bel Helberg met die slagoffer se selfoon, vertel hom waar hy haar lyk kan kry en stuur vir hom ’n video van hoe sy vermoor word. Hierdie is sy derde slagoffer ...     Volg ons op sosiale media

 

Teken uit • Hersien profiel • Lees in PDF • Onderbreek e-pos tydelik • Lees aanlyn   Hierdie e-pos is gestuur aan klipkinders@gmail.com op 17-09-2021 deur Penguin Random House SA, Penguin Random House SA, Unit 12A (ii), Growthpoint Business Park, 162 Tonetti Street, Halfway House, Gauteng, 1685. This email is intended for opt-in communication only. If you feel this email is unsolicited please stel ons in kennis. E-pos voorsien deur