Ons vier Sophia Kapp

 

 

Sophia Kapp het op 40 begin skryf – toe sy die lewe se oppe en affe beter leer verstaan het. Sy het haar tot dusver toegespits op vrouefiksie omdat dit die genre is wat sy self graag lees, maar sy het nog altyd probeer om die verhoudings waarin haar karakters hulle bevind lewensgetrou te hou. Die liefde is nie net lekker of maklik nie, en haar heldinne is nog altyd vroue wat verstaan het dat die lewe soms meer uit ’n vrou tap as wat sy het om te gee.   Koop hier KANAÄN Sy is ’n rykmansdogter uit die Engelse elite in Johannesburg; hy is ’n eenvoudige Afrikanerboer uit die Vrystaat. Hulle moes nooit eers ontmoet het nie, maar wanneer Catherine se lewe in duie stort en sy alles verloor wat sy geken het, is Chrisjan daar om vir haar ’n heenkome te bied. Op Kanaän word sy gekonfronteer met die wreedheid van die natuur, die vooroordeel van die Afrikanergemeenskap en die onverdraagsaamheid van mense wat anders dink as sy. Koop hier HUIS VAN DIE WIND Die afgrond tussen hulle is so onoorbrugbaar soos die Drakensberg se donkerblou klowe: sy is Boere-adel, een van die stoere Jordaans; hy is die Portugese kafeebaas se seun. Haar loopbaan het haar buiteland toe geneem, sy hart lê hier in Afrika. Maar dis eers toe sy die donker, wrede geheim ontdek wat op KwaMoyeni gehuisves word, dat sy besef: daar is ’n prys om te betaal, en sy is eintlik daarheen gebring om die rekening te vereffen.   Koop hier DIE TUISKOMS Liz Aucamp het tien jaar gelede haar geboortedorp as banneling verlaat. Vandag is sy ’n onkoloog wat op die drumpel van ’n briljante akademiese loopbaan staan, maar omstandighede dwing haar terug Groblersdorp toe. Algaande besef Liz dat Groblersdorp haar nodig het, miskien nog nodiger as al die pasiënte in Johannesburg se goed-toegeruste hospitaal, en dat daar vir haar ’n plek in die gemeenskap oopgegaan het wat net sy sal kan volstaan.  Koop hier DIE OOREENKOMS Adam Rossouw, suksesvolle sakeman, deel van Kaapstad se sosiale elite en Petronel Cilliers, ’n onopvallende sanger in ’n grot van ’n kroeg iewers op die Kaapse suidkus, is pole van mekaar verwyder. Maar na ’n nag van passie is hulle onherroeplik aan mekaar verbind. Gaan die houe wat die lewe uitgedeel het hulle in die jaar wat hulle saam is heeltemal uitmekaar dryf, of kan hulle juis in mekaar die maat vind wat hulle volledig mens sal maak?   KANTELPUNT Nellie van der Merwe het nog altyd die een ding gedoen wat ’n konvensionele, middeljarige, wit, Afrikaanse vrou veronderstel was om te doen – sy het stilgebly. Dan word sy 50 en haar wêreld kantel – ’n histerektomie sny haar los van die ding wat fisiologies van haar ’n vrou gemaak het, en skielik maak dit nie meer sin nie. Stelselmatig begin sy vir die wêreld sê dat sy nie meer bereid is om almal se goedkeuring en aanvaarding met stilbly te verdien nie, en sy vind uit watter verskriklike prys ’n vrou betaal wat haar eie menswees wil definieer. Maar die woorde bring ook verligting, en dit bring nuwe rigting.  Koop hier     Volg ons op sosiale media

 

Teken uit • Hersien profiel • Lees in PDF • Onderbreek e-pos tydelik • Lees aanlyn   Hierdie e-pos is gestuur aan bekkieburger777@gmail.com op 18-03-2022 deur Penguin Random House SA, Penguin Random House SA, Unit 12A (ii), Growthpoint Business Park, 162 Tonetti Street, Halfway House, Gauteng, 1685. Hierdie e-pos is slegs bedoel vir inteken-kommunikasie. As u voel dat hierdie e-pos ongevraagd is stel ons in kennis. E-pos voorsien deur